پشاور: (رائیٹ ناوٴ نیوز)

وزیر مملکت بلال اظہر کیانی نے خیبر پختونخوا میں راستوں کی بندش کو آئین کے آرٹیکل 15 کی خلاف ورزی قرار دیا ہے۔ انہوں نے کہا کہ پاکستان تحریک انصاف (پی ٹی آئی) نے خیبر پختونخوا کے عوام کی خدمت کے لیے ووٹ لیا تھا، لیکن اب وہ خود انہیں اذیت پہنچا رہی ہے۔

بلال اظہر کیانی نے بانی پی ٹی آئی کی صحت سے متعلق پی ٹی آئی قیادت اور ان کے ڈاکٹروں کو آگاہ کر دیا ہے، تاہم خیبر پختونخوا حکومت عوام کو سزا دے رہی ہے۔

ان کا کہنا تھا کہ پی ٹی آئی جھوٹ کی بنیاد پر اپنے ہی صوبے کے لوگوں کو اذیت دے رہی ہے، جو مجرمانہ اقدام ہے۔

یاد رہے کہ پی ٹی آئی کے کارکنان بانی عمران خان کی اسپتال منتقلی کے مطالبے پر صوابی انٹرچینج پر احتجاج کر رہے ہیں، جس کی وجہ سے پشاور اسلام آباد موٹروے کا ٹریفک متاثر ہوا ہے۔