کراچی: (رائیٹ ناوٴ نیوز) وزیر اطلاعات سندھ شرجیل میمن نے اسمبلی میں کہا کہ بانی پی ٹی آئی کی صحت کے لیے دعا گو ہیں اور ان کے اعمال کا نتیجہ سامنے آ رہا ہے۔ انہوں نے کہا کہ کسی بھی سیاستدان کو جھوٹ بولنے یا بہتان لگانے پر کارروائی کا سامنا کرنا چاہیے۔ انہوں نے مزید کہا کہ بغیر شواہد کسی کو سکینڈلائز نہیں کیا جا سکتا۔

شرجیل میمن نے اسمبلی میں خطاب کے دوران کہا کہ جماعت اسلامی کے کارکنوں نے پولیس پر پتھراؤ کیا، جو ناقابل قبول ہے۔ انہوں نے کہا کہ شارع فیصل کو بغیر اجازت بند نہیں کیا جا سکتا۔ پولیس تشدد کے واقعے پر معذرت کرتے ہوئے انہوں نے بتایا کہ متعلقہ ایس ایچ او کو معطل کر دیا گیا ہے اور ایس ایس پی فدا جانوری کے خلاف بھی کارروائی کی جائے گی۔