برلن: (رائیٹ ناوٴ نیوز) بُکر انعام یافتہ بھارتی مصنفہ اروندھتی رائے نے برلن فلم فیسٹیول میں شرکت سے انکار کر دیا ہے۔ انہوں نے یہ فیصلہ جیوری صدر وم وینڈرز کے غزہ سے متعلق بیانات پر احتجاجاً کیا۔

اروندھتی رائے نے جمعے کو اپنے فیصلے کا اعلان کرتے ہوئے کہا کہ وم وینڈرز کے بیانات انسانیت کے خلاف جرم پر گفتگو کو روکنے کا باعث بنتے ہیں۔ انہوں نے کہا کہ فنکاروں، ادیبوں اور فلم سازوں کو جرائم کے خلاف آواز اٹھانی چاہیے۔

انہوں نے مزید کہا کہ اسرائیل فلسطینیوں کی نسل کشی کا ذمہ دار ہے اور امریکا، جرمنی سمیت دیگر ممالک کی حمایت انہیں جنگ میں شریک بناتی ہے۔ وم وینڈرز کے مطابق فلم سازوں کو سیاست سے دور رہنا چاہیے۔