اسلام آباد: (رائیٹ ناوٴ نیوز) حکومت اور اپوزیشن کے درمیان مذاکرات ناکام ہونے پر اپوزیشن نے عمران خان کے ذاتی معالج تک رسائی کے لیے اسلام آباد کے مختلف مقامات پر دھرنا جاری رکھا ہے۔

وفاقی وزیر طارق فضل چودھری اپوزیشن لیڈر محمود اچکزئی کو راضی کرنے میں ناکام رہے، جس کے باعث پارلیمنٹ کے داخلی و خارجی راستے بند کر دیے گئے ہیں اور پارلیمنٹ لاجز بھی سیل کر دیے گئے ہیں۔

پارلیمنٹ لاجز میں پولیس اور پی ٹی آئی پارلیمنٹرین کے درمیان دھکم پیل کے واقعات رپورٹ ہوئے ہیں، جبکہ سکیورٹی کی ذمہ داری سارجنٹ ایٹ آرمز نے پولیس کے حوالے کر دی ہے۔

اسلام آباد کے ریڈ زون میں سکیورٹی سخت کر دی گئی ہے، جہاں داخلی راستے بند ہیں اور پولیس کی بھاری نفری تعینات ہے جبکہ قیدی وینز بھی موجود ہیں۔

وزیراعلیٰ سہیل آفریدی نے خیبرپختونخوا ہاؤس کے دروازے پر دھرنا دے دیا ہے، جب انہیں اندر داخل ہونے سے روکا گیا۔