کراچی میں سپرہائی وے پر آئل ٹینکر اور بس کے تصادم میں 11 افراد جاں بحق، تیز رفتاری حادثے کی وجہ بنی۔
کراچی: (رائیٹ ناوٴ نیوز) سپرہائی وے پر کاٹھور کے قریب آئل ٹینکر اور مسافر بس کے درمیان تصادم کے نتیجے میں 11 افراد جاں بحق اور کئی زخمی ہوگئے۔ حادثہ تیز رفتاری کے باعث پیش آیا، جس میں دیگر گاڑیاں بھی متاثر ہوئیں۔
ریسکیو حکام نے بتایا کہ جاں بحق ہونے والوں میں تین خواتین اور بچے شامل ہیں، جبکہ زخمیوں کو فوری طور پر قریبی اسپتال منتقل کیا گیا ہے، جہاں بعض کی حالت تشویشناک ہے۔
حادثے کی اطلاع ملتے ہی ریسکیو ٹیمیں اور پولیس موقع پر پہنچ گئی۔ آئی جی سندھ جاوید عالم اوڈھو نے پولیس کو امدادی سرگرمیوں میں ریسکیو اداروں سے تعاون کرنے کی ہدایت کی ہے۔
حادثے کے بعد شاہراہ پر ٹریفک کی روانی متاثر ہوئی اور گاڑیوں کی طویل قطاریں لگ گئیں۔ پولیس نے شواہد اکٹھے کرنے کا عمل شروع کر دیا ہے اور کرینوں کی مدد سے تباہ شدہ گاڑیاں ہٹائی جا رہی ہیں۔
حکام نے کہا ہے کہ حادثے کی وجوہات کا تعین کیا جا رہا ہے اور غفلت ثابت ہونے پر ذمہ داروں کے خلاف کارروائی کی جائے گی۔
