ڈھاکا: (رائیٹ ناوٴ نیوز) بنگلادیش نیشنلسٹ پارٹی (بی این پی) نے اعلان کیا ہے کہ وہ بھارت سے سابق وزیرِاعظم شیخ حسینہ کی حوالگی کا باضابطہ مطالبہ کرے گی۔

بی این پی کے کاکس بازار-1 کے منتخب رکن صلاح الدین احمد نے ڈھاکا میں گفتگو کے دوران کہا کہ ان کی جماعت شیخ حسینہ کی واپسی کے لیے قانونی دباؤ ڈالے گی۔

انہوں نے واضح کیا کہ یہ معاملہ بنگلادیش اور بھارت کی وزارتِ خارجہ کے درمیان ہے، اور بھارتی حکومت سے مطالبہ کیا جائے گا کہ شیخ حسینہ کو مقدمات کا سامنا کرنے کے لیے واپس بھیجا جائے۔

یاد رہے کہ شیخ حسینہ اگست 2024 میں بنگلادیش میں عوامی بغاوت کے بعد بھارت فرار ہوگئی تھیں، اور گزشتہ نومبر میں انہیں انسانیت کے خلاف جرائم کے مقدمے میں سزائے موت سنائی گئی تھی۔