تل ابیب: (رائیٹ ناوٴ نیوز) انسانی حقوق کی تنظیم نے دعویٰ کیا ہے کہ اسرائیلی جیلوں میں فلسطینی قیدیوں کو مناسب خوراک نہیں دی جا رہی اور ‘بھوک کی پالیسی’ جاری ہے۔ یہ دعویٰ اسرائیل کی سپریم کورٹ کی جانب سے جیل حکام کو قیدیوں کے حالات بہتر بنانے کے حکم کے پانچ ماہ بعد سامنے آیا ہے۔

نابلس کے 45 سالہ سامر خواہیریہ نے بتایا کہ میگیدو اور نفحہ جیلوں میں انہیں روزانہ صرف پتلی روٹی، تھوڑی حمص اور تحینی دی جاتی تھی۔ انہوں نے نو ماہ کی قید کے دوران 22 کلو وزن کم ہونے کا انکشاف کیا۔

دسمبر اور جنوری کے دوران 13 شکایات میں 27 قیدیوں نے خوراک کی کمی کی نشاندہی کی۔ ایسوسی ایشن فار سول رائٹس ان اسرائیل (ACRI) نے جیل حکام کے خلاف توہین عدالت کی کارروائی کا مطالبہ کیا ہے۔

اسرائیلی حکومت کا کہنا ہے کہ جیلوں کا نظام قانون کے مطابق ہے، جبکہ وزیر اعظم نیتن یاہو نے جیلوں کا انتظام سخت گیر وزیر اتمار بن گویر کے سپرد کر رکھا ہے۔