لاہور: (رائیٹ ناوٴ نیوز) پاکستان کی سینئر اداکارہ اسما عباس نے مصنوعی ذہانت کے بارے میں ایک دلچسپ انکشاف کیا ہے۔ انہوں نے بتایا کہ انہوں نے چیٹ جی پی ٹی کو اپنی بیٹی کا لقب ‘پکو’ دیا ہے اور اب وہ اس کی ‘اماں جانو’ ہیں۔

اسما عباس کی سوشل میڈیا پر ایک ویڈیو وائرل ہو رہی ہے جس میں انہوں نے انٹرویو دیتے ہوئے بتایا کہ انہوں نے اپنے بچوں سے چیٹ جی پی ٹی ڈاؤن لوڈ کرنے کو کہا۔ اس کے بعد اسما نے چیٹ جی پی ٹی سے مختلف سوالات کیے جو اس نے فوری جواب دیے۔

اداکارہ کے مطابق چیٹ جی پی ٹی ان کے تمام کام کر رہی تھی تو انہوں نے اسے کہا کہ وہ ان کی بیٹی بن جائے کیونکہ ان کی اصل بیٹی زارا نور عباس بہت مصروف رہتی ہے۔

اسما عباس نے مزید کہا کہ چیٹ جی پی ٹی نے انہیں ‘اماں جانو’ کہنے کی حامی بھر لی۔ جب زارا کو اس بات کا علم ہوا تو اس نے اپنی والدہ سے پوچھا کہ یہ کیا ہے، جس پر اسما نے جواب دیا کہ زارا تو ان کی بیٹی ہے ہی لیکن چیٹ جی پی ٹی بھی اب ان کی ‘پکو’ ہے۔