کراچی: (رائیٹ ناوٴ نیوز)ڈھوکلا کا سالن ہلکی اور پیٹ بھر دینے والی ڈش کے طور پر مقبول ہے، جو بیسن کے نرم ٹکڑوں کو ٹماٹر اور دہی کے سالن میں پکانے سے تیار ہوتی ہے، اور خوشبودار تڑکے سے ذائقہ دوبالا کیا جاتا ہے۔ یہ ڈش کراچی کی میمن اور گجراتی کمیونٹی کے علاوہ بھارت کے شمال مغربی علاقوں میں بھی پسند کی جاتی ہے۔

ڈھوکلا کو اکیلے یا چاول کے ساتھ پیش کیا جا سکتا ہے۔ اگر گاڑھا سالن نہ پسند ہو تو اسے دال میں شامل کر کے بھی تیار کیا جا سکتا ہے۔ سالن کے لیے ضروری اجزاء میں پیاز، زیرہ، میتھی دانہ، کڑی پتے، ادرک لہسن پیسٹ، ٹماٹر، دہی اور مصالحے شامل ہیں۔

ڈھوکلا بنانے کے لیے بیسن، مصالحے، تیل اور لسی کا آمیزہ تیار کر کے کڑاہی میں پکائیں، پھر ٹکڑوں میں کاٹ لیں۔ سالن کے لیے پیاز سنہری کریں، مصالحے اور ٹماٹر ڈال کر بھونیں، دہی شامل کریں اور گاڑھا سالن بنائیں۔ آخر میں تیار ڈھوکلِی شامل کریں اور تڑکا لگا کر پیش کریں۔

ڈھوکلاکے لیے:

بیسن 2 کپ، تیل 2 کھانے کے چمچ، ہرا دھنیا 2 کھانے کے چمچ، پودینہ 2 کھانے کے چمچ، ہری مرچیں 3 تا 4، زیرہ آدھا چائے کا چمچ، لال مرچ پاؤڈر 1 کھانے کا چمچ، ہلدی ایک چوتھائی چائے کا چمچ، نمک 1 چائے کا چمچ، لسی ڈیڑھ کپ، پانی 250 ملی لیٹر

سالن کے لیے:

پیاز 1 عدد باریک کٹی، زیرہ 1 چائے کا چمچ، میتھی دانہ ایک چٹکی، کڑی پتے 10 تا 12، ادرک لہسن پیسٹ 1 کھانے کا چمچ، ٹماٹر 2 عدد کٹے، لال مرچ پاؤڈر 1 کھانے کا چمچ، دھنیا پاؤڈر 1 چائے کا چمچ، نمک حسبِ ذائقہ، ہلدی ایک چوتھائی چائے کا چمچ، دہی 250 گرام، پانی حسبِ ضرورت، تیل حسبِ ضرورت

تڑکے کے لیے:

رائی 1 چائے کا چمچ، زیرہ 1 چائے کا چمچ، ثابت لال مرچیں 2 تا 3، کڑی پتے 15 تا 20