اسلام آباد: (رائیٹ ناوٴ نیوز) چیئرمین علماء کونسل حافظ طاہر اشرفی نے افغانستان سے مطالبہ کیا ہے کہ وہ اپنی سرزمین کو پاکستان کے خلاف دہشتگردی کے لیے استعمال نہ ہونے دے۔ انہوں نے افغان قیادت کو دہشتگرد عناصر کے خلاف کارروائی کرنے کی ضرورت پر زور دیا۔

حافظ طاہر اشرفی نے کہا کہ خیبرپختونخوا میں سیکیورٹی فورسز کی کارروائیوں کے نتیجے میں بھارتی حمایت یافتہ 9 خوارج ہلاک ہو گئے ہیں۔ انہوں نے اس بات کی بھی وضاحت کی کہ پاکستان نے کبھی افغانستان میں دہشتگردی نہیں کی۔

انہوں نے کہا کہ دنیا بھر میں پاکستانی افواج کی پذیرائی ہو رہی ہے اور بھارت اپنی شکست پر مایوس ہو رہا ہے۔ حرمین شریفین کی پاسبانی ہمارے لیے فخر ہے۔

حافظ طاہر اشرفی نے فلسطین کے حق میں جاری حمایت کا ذکر کرتے ہوئے کہا کہ اسرائیل مسلسل معاہدے کی خلاف ورزی کر رہا ہے، جبکہ پاکستان فلسطین امن معاہدے پر عمل درآمد کی کوششیں جاری رکھے گا۔