اٹلی: (رائیٹ ناوٴ نیوز) شمالی اٹلی میں ایک دلچسپ معاملہ سامنے آیا جب ایک 57 سالہ شخص نے اپنی 82 سالہ فوت شدہ ماں کی موت چھپا کر ان کا روپ دھار کر پینشن حاصل کرنے کی کوشش کی۔ ملزم نے شناختی کارڈ کی تجدید کے لیے میک اپ، وِگ اور ماں کے کپڑے پہن کر خود کو دفتر میں پیش کیا۔

دفتر کے اہلکار کو درخواست میں کچھ غیر معمولی محسوس ہوا، جس پر اس نے حکام کو اطلاع دی۔ سی سی ٹی وی فوٹیج میں دیکھا گیا کہ شخص گاڑی چلاتے ہوئے دفتر آیا، جبکہ اس کی ماں کے پاس ڈرائیونگ لائسنس نہیں تھا۔ پولیس نے چھاپہ مار کر گھر سے ماں کی ممی شدہ لاش برآمد کی۔

پولیس نے ملزم پر لاش چھپانے، ریاست کے ساتھ دھوکہ دہی اور سرکاری دستاویزات میں جعل سازی کے الزامات عائد کیے ہیں۔ پوسٹ مارٹم کے ذریعے موت کی وجوہات معلوم کی جائیں گی۔

ملزم فی الحال جیل میں ہے اور مقدمہ کی کارروائی جاری ہے۔ اٹلی میں ریاستی پینشن فراڈ ایک عام مسئلہ ہے، جس کی وجہ سے اکثر موت کی اطلاع میں تاخیر ہوتی ہے۔