اسلام آباد: (رائیٹ ناوٴ نیوز) تحریک انصاف نے بانی پی ٹی آئی کے ساتھ ملاقات کی اجازت کے لیے اسلام آباد ہائیکورٹ کے فیصلے کو سپریم کورٹ میں چیلنج کر دیا ہے۔ سلمان اکرم راجہ نے سپریم کورٹ سے استدعا کی ہے کہ اسلام آباد ہائیکورٹ کے لارجر بینچ کے فیصلے کو کالعدم قرار دیا جائے۔

درخواست میں کہا گیا ہے کہ بانی سے ملاقات نہ ہونے پر توہین عدالت کی درخواست دائر کی گئی تھی، تاہم اسلام آباد ہائیکورٹ نے حکام کے خلاف کوئی کارروائی نہیں کی۔ درخواست میں مزید کہا گیا ہے کہ عدالتی حکم کے باوجود بانی سے ملاقات نہیں کرائی گئی اور ہائیکورٹ کے حکم کی مسلسل عدولی کی جا رہی ہے۔