نئی دہلی: (رائیٹ ناوٴ نیوز)۔ بھارت نے 2019 کے بعد پہلی بار ایران سے خام تیل اور مائع پٹرولیم گیس (LPG) خریدی ہے۔ بھارتی وزارت تیل اور قدرتی گیس نے اس کی تصدیق کی ہے۔

بھارتی ریفائنرز نے ایران سے خام تیل درآمد کیا ہے، جس سے 7 سال بعد ایران سے بھارت کو پہلی شپمنٹ پہنچی ہے۔ بھارت نے 44 ہزار میٹرک ٹن LPG بھی خریدی ہے جو منگلور بندرگاہ پر پہنچ چکی ہے۔

امریکی پابندیوں کی عارضی نرمی کی وجہ سے بھارت کو ایران سے خام تیل اور گیس خریدنے میں سہولت ملی۔ بھارتی وزارت توانائی نے کہا ہے کہ خام تیل کی ضروریات پوری ہیں اور ادائیگی میں کوئی رکاوٹ نہیں۔

یہ خریداری بھارت کے لیے اہم ہے کیونکہ یہ مختلف ممالک سے تیل خریدنے کی لچک کو ظاہر کرتی ہے۔ دنیا بھر کے 40 سے زائد ممالک سے تیل خریدا جاتا ہے۔

واضح رہے کہ 2019 میں امریکا کی پابندیوں کی وجہ سے بھارت نے ایران سے تیل خریدنا ترک کر دیا تھا۔ گزشتہ ماہ امریکا نے تیل مصنوعات پر عائد پابندیوں میں عارضی نرمی کی تھی۔