کراچی: (رائیٹ ناوٴ نیوز)۔ دماغ کو اپنی فعالیت کے لیے کافی ایندھن کی ضرورت ہوتی ہے۔ تحقیقی رپورٹس کے مطابق ہماری روزانہ کی کیلوریز کا 20 فیصد حصہ دماغ استعمال کرتا ہے۔

اگر آپ عمر کے ساتھ دماغی افعال کو درست اور یادداشت کو مستحکم رکھنا چاہتے ہیں تو کچھ خاص مشروبات کا استعمال مفید ثابت ہو سکتا ہے۔ ان مشروبات میں کافی، سبز چائے، بیری جوسز، ہلدی چائے، چقندر جوس، اور ہاٹ چاکلیٹ شامل ہیں۔

کافی اور سبز چائے میں موجود کیفین دماغ کو مستعد رکھتی ہے جبکہ فالج اور الزائمر کا خطرہ بھی کم کرتی ہے۔ بیری جوسز دماغی خلیات کو تکسیدی تناؤ سے بچاتے ہیں جبکہ چقندر جوس بلڈ پریشر کو کم اور دماغی تھکاوٹ کو دور کرتا ہے۔

ہلدی اور چاکلیٹ جیسے مشروبات میں موجود مرکبات دماغی صحت کو بہتر بناتے ہیں۔ ہلدی سے ورم کی روک تھام ہوتی ہے جبکہ چاکلیٹ سے توجہ اور یادداشت میں بہتری آتی ہے۔

واضح رہے کہ یہ معلومات تحقیقی رپورٹس پر مبنی ہیں اور قارئین کو چاہیے کہ اپنی صحت کے متعلق معالج سے مشورہ کریں۔