ممبئی: (رائیٹ ناوٴ نیوز) بالی وڈ اداکارہ کریتی سینن نے اپنی شادی سے متعلق سوال پر برہمی ظاہر کی ہے۔

اداکارہ کے بارے میں خبریں ہیں کہ وہ برطانیہ میں مقیم بزنس مین کبیر باہیا کے ساتھ ڈیٹنگ کر رہی ہیں۔

بھارتی میڈیا کے مطابق حالیہ انٹرویو میں ایک اینکر نے ان کی بہن کی شادی کا حوالہ دیا، جس پر کریتی ناراض ہوئیں اور طنزاً پوچھا کہ کیا آپ چاچی جی والا سوال پوچھ رہی ہیں؟

کریتی سینن نے واضح کیا کہ فی الحال ان کا شادی کا کوئی ارادہ نہیں، اور جب صحیح وقت ہوگا تو وہ شادی کریں گی۔

یاد رہے کہ کریتی سینن کی نجی زندگی اکثر خبروں کی زینت بنتی رہی ہے، لیکن انہوں نے ہمیشہ اپنی ذاتی فیصلوں کو ترجیح دی ہے۔