واشنگٹن: (رائیٹ ناوٴ نیوز) پینٹاگون نے سیکرٹری آف وار کی جنگ سے پہلے کی گئی سرمایہ کاری کی خبروں کو مسترد کر دیا ہے۔

پینٹاگون کے ترجمان شان پارنل نے کہا ہے کہ یہ دعوے حقائق کے برعکس ہیں اور ان کا حقیقت سے کوئی تعلق نہیں ہے۔ انہوں نے کہا کہ ایسی غیر مصدقہ رپورٹس عوام کو گمراہ کرتی ہیں اور انہیں فوری طور پر واپس لیا جانا چاہیے۔

واضح رہے کہ برطانوی اخبار فنانشل ٹائمز نے رپورٹ کیا تھا کہ وزیر دفاع کے ویلتھ مینیجر نے جنگ سے چند ہفتے قبل بلیک راک سے دفاعی شعبے کے ایک فنڈ میں سرمایہ کاری کے لئے رابطہ کیا تھا۔

دوسری جانب، وال اسٹریٹ جرنل کے مطابق امریکی افواج نے اصفہان میں اسلحہ ڈپو پر حملہ کیا، جس میں 907 کلوگرام وزنی بم استعمال کیا گیا۔ صدر ٹرمپ نے حملے کے بعد دھماکوں کی فوٹیج بھی شیئر کی۔

یاد رہے کہ یہ خبریں ایسے وقت میں آئیں جب خطے میں کشیدگی بڑھتی جارہی ہے اور بین الاقوامی سطح پر ان حملوں کے اثرات پر تشویش پائی جاتی ہے۔