نیویارک: (رائیٹ ناوٴ نیوز) ٹک ٹاک نے اعلان کیا ہے کہ وہ اپنے ایپ میں نئے اشتہاری فارمیٹس متعارف کرانے جا رہا ہے، جو ممکنہ طور پر صارفین کو ناپسند آئیں گے۔ ان میں سے ایک فارمیٹ ‘لوگو ٹیک اوور’ ہے، جس میں ایپ کھولتے وقت برانڈ لوگو دکھایا جائے گا۔ کمپنی کا کہنا ہے کہ یہ فارمیٹ اشتراک، اعتبار اور ثقافتی تعلق کی عکاسی کرے گا۔

ایک اور نیا ‘پرائم ٹائم’ فارمیٹ، ایونٹس کے دوران مخصوص اشتہارات کی سیریز کو متعارف کراتا ہے، جس میں ایک ہی کمپنی کے تین اشتہارات کو 15 منٹ کے وقفے میں دکھایا جائے گا۔

ٹاپ ریچ نامی فارمیٹ میں ٹک ٹاک کے دو موجودہ فارمیٹس ‘ٹاپ ویو’ اور ‘ٹاپ فیڈ’ کو مدغم کیا گیا ہے، جہاں صارفین ایپ اوپن کرتے ہی اولین اشتہارات دیکھیں گے۔ کمپنی کا دعویٰ ہے کہ ان اقدامات سے برانڈز کو زیادہ افراد تک رسائی ملے گی، مگر اس کے نتیجے میں صارفین کو زیادہ اشتہارات دیکھنے پڑیں گے۔