کراچی: (رائیٹ ناوٴ نیوز) اگر آپ کا اینڈرائیڈ فون وقت کے ساتھ سست ہو رہا ہے، تو اس کی ایک بڑی وجہ کچھ ایپس بھی ہو سکتی ہیں۔ یہ ایپس ڈیوائس کی ریم اور سی پی یو کو بہت زیادہ استعمال کرتی ہیں، خاص طور پر اگر فون کی ریم 8 جی بی سے کم ہو۔

ٹک ٹاک جیسی ایپس ویڈیو فیڈ بیک کو مستحکم رکھنے کے لیے ڈیٹا اور پراسیسنگ پاور کی ضرورت ہوتی ہے، جس کی وجہ سے سی پی یو اور اسٹوریج پر بوجھ بڑھ جاتا ہے۔ گوگل فوٹوز اور گوگل میپس جیسے ایپس بھی فون کی رفتار متاثر کرتے ہیں کیونکہ یہ کلاؤڈ سروسز اور جی پی ایس کے لیے زیادہ ریسورسز استعمال کرتے ہیں۔

انسٹا گرام اور دیگر سوشل میڈیا ایپس نوٹیفکیشنز کی بھرمار اور میڈیا پری لوڈنگ جیسے عوامل کی وجہ سے فون کو سست کر دیتی ہیں۔ ان ایپس کا بیک گراؤنڈ میں مسلسل کام کرنا اور ڈیٹا ریفریشنگ بھی فون کی کارکردگی پر اثر ڈالتی ہے۔