لاہور: (رائیٹ ناوٴ نیوز) وزیراعلیٰ پنجاب مریم نواز شریف نے چاند رات پر ہراسانی اور ون ویلنگ کی روک تھام کے لیے بلاامتیاز کریک ڈاؤن کا حکم دیا ہے۔ انہوں نے کہا کہ ون ویلنگ سے زندگی خطرے میں ڈالنے کی اجازت نہیں ہوگی۔

مریم نواز نے ون ویلنگ کرنے والوں کے خلاف سخت کارروائی کی ہدایت دی اور کہا کہ شکایات پر متعلقہ پولیس افسر کے خلاف بھی کارروائی ہوگی۔ خصوصی ٹیمیں ون ویلنگ روکنے کے لیے تشکیل دی جائیں گی۔

وزیراعلیٰ نے یہ بھی کہا کہ کم عمر افراد کے خلاف گاڑی یا موٹر سائیکل چلانے پر قانونی کارروائی کی جائے گی تاکہ عوام کی حفاظت کو یقینی بنایا جا سکے۔