کراچی: (رائیٹ ناوٴ نیوز)سرجانی ٹاؤن پولیس نے سائبان سوسائٹی خدا کی بستی میں ایک ٹھیکیدار سے 50 لاکھ روپے بھتہ طلب کرنے کے الزام میں ملزم بلاول کو گرفتار کر لیا ہے۔ مقدمہ مدعی افسر خان نے درج کروایا تھا، جن کا کہنا ہے کہ بلاول اور اس کے ساتھیوں نے ان سے کام جاری رکھنے کے لیے بھتہ طلب کیا تھا۔

افسر خان نے بتایا کہ جب وہ اپنے پلاٹ پر تعمیراتی کام کر رہے تھے تو بلاول اور دیگر نے اسلحہ نکال کر 50 لاکھ روپے کا مطالبہ کیا اور بھتہ نہ دینے کی صورت میں جان سے مارنے کی دھمکیاں دیں۔ پولیس نے مقدمہ نمبر 287 سال 2026 بجرم دفعات 394 اور 385 چونتیس کے تحت درج کر لیا ہے۔

ایس ایچ او سرجانی ٹاؤن سہیل خاصخیلی نے کہا کہ گرفتار ملزم بلاول کے دیگر ساتھیوں کی تلاش میں چھاپے مارے جا رہے ہیں۔ مزید براں، بلاول پر اسی سوسائٹی کے پروجیکٹ آفیسر سے 60 لاکھ روپے بھتہ طلب کرنے کا بھی الزام ہے، جس کا مقدمہ نمبر 288 درج ہے۔