فیصل آباد: (رائیٹ ناوٴ نیوز) فیصل آباد تعلیمی بورڈ نے میٹرک امتحانات سے قبل سوشل میڈیا پر گیس پیپرز اور پیئرنگ اسکیمز کی شیئرنگ پر پابندی عائد کر دی ہے۔ یہ قدم امتحانات کی شفافیت کو یقینی بنانے کے لیے اٹھایا گیا ہے۔

بورڈ کی جانب سے جاری نوٹیفکیشن کے مطابق خلاف ورزی کرنے والوں کے خلاف قانونی کارروائی کی جائے گی، جس میں تین سال قید اور پانچ ہزار روپے جرمانہ شامل ہو سکتا ہے۔ میٹرک کے امتحانات 27 مارچ سے شروع ہوں گے۔