لندن: (رائیٹ ناوٴ نیوز) برطانوی وزارت دفاع نے کہا ہے کہ برطانیہ کے ٹائفون اور ایف-35 جنگی طیاروں نے برطانوی مفادات کے دفاع کے لیے فضائی مشنز انجام دیے۔

وزارت دفاع کے بیان کے مطابق یہ پروازیں قطر اور قبرص کے علاوہ اتحادی ممالک کے دفاع کے تناظر میں بھی کی گئیں۔ متحدہ عرب امارات، اردن اور بحرین میں موجود اتحادی مفادات کے تحفظ کو بھی ان مشنز کا حصہ قرار دیا گیا ہے۔

An update on UK operations in the Middle East, 15 March 2026. pic.twitter.com/LG7zBKQGwL

— Ministry of Defence 🇬🇧 (@DefenceHQ) March 15, 2026

برطانوی وزارت دفاع نے ان پروازوں کی نوعیت، مدت یا ممکنہ اہداف سے متعلق مزید تفصیلات فراہم نہیں کیں۔

واضح رہے کہ مشرق وسطیٰ میں بڑھتی ہوئی کشیدگی کے باعث برطانیہ سمیت کئی مغربی ممالک اپنے فوجی اور فضائی انتظامات کا دائرہ بڑھا رہے ہیں۔