تہران: (رائیٹ ناوٴ نیوز) ایرانی سیکیورٹی چیف علی لاریجانی نے خبردار کیا ہے کہ ایپسٹین نیٹ ورک کے باقیات امریکا میں نائین الیون جیسی سازش کی تیاری کر رہے ہیں جس کا مقصد ایران کو مورد الزام ٹھہرانا ہے۔ لاریجانی نے وضاحت کی کہ ایران اس طرح کی دہشت گردی کی مخالفت کرتا ہے اور امریکی عوام سے کوئی دشمنی نہیں رکھتا۔

اتوار کو سوشل میڈیا پر جاری بیان میں علی لاریجانی نے کہا کہ ایران ایسے دہشت گرد منصوبوں کی مخالفت کرتا ہے اور واضح کیا کہ ایران کی جنگ امریکی عوام سے نہیں ہے۔

علی لاریجانی نے مزید کہا کہ امریکا اور اس کے اتحادی ممکنہ ‘فالس فلیگ’ حملے کی سازش کر سکتے ہیں جس کا الزام ایران پر ڈالنے کی کوشش کی جا سکتی ہے۔

انہوں نے کہا کہ ایران اس وقت امریکا اور اسرائیل کی جارحیت کے خلاف دفاع کر رہا ہے اور حملہ آوروں کو سزا دینے کے لیے مضبوط جواب دے رہا ہے۔

امریکی میڈیا کے مطابق ایف بی آئی نے فروری کے اوائل میں اطلاع دی تھی کہ اگر امریکا ایران پر حملہ کرے تو تہران کیلیفورنیا کے ساحل کے قریب ڈرون حملہ کر سکتا ہے۔