ریاض: (رائیٹ ناوٴ نیوز) سعودی عرب کی وزارت دفاع نے اعلان کیا ہے کہ ریاض کے میٹروپولیٹن علاقے میں چار ڈرونز کو فضائی دفاعی نظام سے بروقت کارروائی کرتے ہوئے مار گرایا گیا ہے۔ اتوار کے روز سعودی دارالحکومت کی فضائی حدود میں داخل ہونے والے ان ڈرونز کو نشانہ بنا کر تباہ کیا گیا۔ وزارت دفاع کے مطابق ان ڈرونز کے حملے سے فوری طور پر کسی بڑے نقصان کی اطلاع نہیں ملی۔

رپورٹس کے مطابق، ایران کے خلاف امریکا اور اسرائیل کی جنگ کے آغاز کے بعد سعودی عرب پر ایرانی ڈرونز اور میزائلوں کے حملے جاری رہے ہیں۔ ان حملوں میں توانائی کے انفراسٹرکچر، امریکی مفادات، فوجی تنصیبات اور شہری علاقوں کو نشانہ بنایا گیا، جس کے نتیجے میں اب تک کم از کم 2 افراد ہلاک اور 12 زخمی ہو چکے ہیں۔