دبئی: (رائیٹ ناوٴ نیوز) ایران کی پاسداران انقلاب نے اماراتی شہریوں کو خبردار کیا ہے کہ وہ متحدہ عرب امارات میں موجود امریکی فوجی اڈوں سے دور رہیں، کیونکہ بڑھتی ہوئی کشیدگی کے سبب یہ اڈے ممکنہ طور پر جائز اہداف بن چکے ہیں۔

پاسداران انقلاب کے جاری کردہ بیان میں کہا گیا ہے کہ خطے میں جاری فوجی اور سیاسی کشیدگی کے باعث امریکی افواج کی موجودگی کو براہ راست خطرہ سمجھا جا رہا ہے، اور اماراتی شہریوں کی جان و مال کو ممکنہ خطرات سے دور رکھنے کے لیے یہ اقدام ضروری ہے۔

ایرانی حکام نے مزید کہا ہے کہ اگر ایران کے مفادات یا سلامتی کو نقصان پہنچانے کی کوشش کی گئی تو اس کا بھرپور جواب دیا جائے گا۔

دفاعی تجزیہ کاروں کا ماننا ہے کہ اس بیان کے بعد خلیجی خطے میں کشیدگی بڑھ سکتی ہے جبکہ عالمی برادری اس صورتحال کو تشویش کی نگاہ سے دیکھ رہی ہے۔