کراچی: (رائیٹ ناوٴ نیوز) پاکستانی گلوکار عمیر جسوال نے اپنے انسٹاگرام پر دھوکے باز افراد کے خلاف پیغام جاری کیا ہے۔ عمیر نے کہا ہے کہ اگر کوئی اپنے پارٹنر کو دھوکہ دیتا ہے تو وہ ہمارے ساتھ نہیں رہ سکتا۔

عمیر کی اس انسٹا اسٹوری میں یہ پیغام بھی دیا گیا کہ اس عمل کو 2026 میں عام کرنا چاہیے۔ یہ اسٹوری سوشل میڈیا پر وائرل ہو گئی اور لوگوں نے ان کی رائے سے اتفاق کیا۔

یہ بات اہم ہے کہ عمیر نے کسی کا نام نہیں لیا۔ عمیر جسوال اور اداکارہ ثنا جاوید اکتوبر 2020 میں شادی کے بندھن میں بندھے تھے، تاہم 2023 میں ان کی طلاق کی خبریں عام ہوئیں۔ ثنا جاوید نے جنوری 2024 میں کرکٹر شعیب ملک سے شادی کی۔

عمیر جسوال نے بھی اکتوبر 2024 میں دوسری شادی کا اعلان کیا، تاہم انہوں نے اپنی نئی اہلیہ کی تفصیلات ظاہر نہیں کیں۔