اسلام آباد: (رائیٹ ناوٴ نیوز) چیئرمین پاکستان تحریک انصاف بیرسٹر گوہر علی خان نے کہا ہے کہ اگر انصاف کے مطابق فیصلے ہوتے تو عمران خان کی رہائی ہو چکی ہوتی۔ انہوں نے میڈیا سے گفتگو کرتے ہوئے مزید کہا کہ حکومت نے ہمارے مطالبات کے باوجود اپنی پالیسی اسٹیٹمنٹ جاری نہیں کی اور خیبرپختونخوا کے لوگ مخلص ہیں۔ ہم نے افغانستان کو پراکسی نہ بننے کی تاکید کی تھی اور ایران پر حملوں کی مذمت کی۔

بیرسٹر گوہر علی خان نے کہا کہ ملاقاتوں میں سنجیدگی ضروری ہے اور مذاکرات پر کوئی شرائط نہیں ہیں۔ انہوں نے کہا کہ ہم نے تحفظات کا اظہار کیا مگر مئی میں پاکستان کے ساتھ کھڑے ہوئے اور کامیابیاں حاصل کیں۔

انہوں نے مزید کہا کہ پیٹرول کی قیمتوں پر حکومت کے پاس اسٹاک ہوتا تو ایسے حالات نہ ہوتے اور اسمبلی اہم ترین فورم ہے جہاں وزیراعظم ہاؤس میں بریفنگ کی جانی چاہیے۔

چیئرمین پی ٹی آئی نے ایران سے درخواست کی کہ مسلم ممالک کو نشانہ نہ بنایا جائے اور نیشنل ایکشن پلان کے نکات پر عملدرآمد ہو۔ ان کا کہنا تھا کہ بھارت افغانستان کے پیچھے کھڑا ہے اور قونصلیٹ کی آڑ میں دہشتگردی کروا رہا ہے۔