ریاض: (رائیٹ ناوٴ نیوز) سعودی عرب کی اہم مساجد، بشمول مسجد الحرام اور مسجد نبوی، میں اعتکاف کا آغاز ہو چکا ہے۔ مسجد نبوی میں 3,200 افراد، جن میں 2,400 مرد اور 800 خواتین شامل ہیں، اعتکاف کر رہے ہیں۔

مسجد الحرام میں بھی تقریباً تین ہزار افراد اعتکاف میں مصروف ہیں۔ تمام افراد نے متعلقہ پورٹل کے ذریعے خود کو رجسٹر کیا تھا۔ مسجد نبوی میں مردوں کے لیے مشرقی سمت کی چھت پر اور خواتین کے لیے مشرقی توسیع میں انتظام کیا گیا ہے۔

معتکفین کی سہولت کے لیے لاکرز، موبائل چارجنگ، لانڈری، اور فرسٹ ایڈ کی سہولت فراہم کی گئی ہے۔ ہر شخص کو ذاتی دیکھ بھال کی اشیا کی کٹ دی گئی ہے۔ اعتکاف کے مقامات پر بخور جلانے اور افطار و سحری کا انتظام بھی کیا گیا ہے۔