لاہور: (رائیٹ ناوٴ نیوز) قومی ٹیم کے کھلاڑیوں پر بھارت سے شکست کے بعد عائد 50 لاکھ جرمانے پر تاحال عملدرآمد نہیں ہوا۔

15 فروری کو بھارت کے ہاتھوں 61 رنز کی شکست کے بعد ہر کھلاڑی پر 50 لاکھ جرمانہ تجویز کیا گیا تھا۔ چیئرمین پی سی بی محسن نقوی نے مزید سخت اقدامات کا عندیہ دیا ہے۔

محسن نقوی نے کھلاڑیوں کو مراعات دینے کا اعلان کیا تھا اور پاکستان سپر لیگ میں آکشن سسٹم متعارف کروایا۔ تاہم عالمی مقابلوں میں کھلاڑیوں کی کارکردگی مایوس کن رہی۔

بورڈ مستقبل میں پرفارمنس کی بنیاد پر مراعات دینے اور خراب کارکردگی پر مراعات کی کٹوتی کا امکان رکھتا ہے۔

بورڈ قومی ٹیم کے کھلاڑیوں کو سینٹرل کنٹریکٹ کے تحت کروڑوں روپے کے معاہدے فراہم کرتا ہے، لیکن مستقبل میں ناقص پرفارمنس پر کھلاڑیوں کو جوابدہ بنایا جائے گا۔