واشنگٹن: (رائیٹ ناوٴ نیوز) ایران کے خلاف جنگ کے ابتدائی دو دنوں میں امریکی فوج نے تقریباً 5.6 ارب ڈالر مالیت کے ہتھیار اور گولہ بارود استعمال کیے، جس سے امریکی افواج کی تیزی سے جدید اسلحہ استعمال کرنے کی صلاحیت ظاہر ہوتی ہے۔

امریکی اخبار واشنگٹن پوسٹ نے رپورٹ کیا کہ پینٹاگون نے 5.6 ارب ڈالر مالیت کے ہتھیار پہلے دو دنوں میں استعمال کیے جس پر امریکی کانگریس کے بعض ارکان میں تشویش پیدا ہوئی کہ جدید اور محدود ذخیرے والے ہتھیار تیزی سے خرچ ہو رہے ہیں۔

امریکی صدر ڈونلڈ ٹرمپ نے چند روز قبل دعویٰ کیا کہ ان کے ملک کے پاس لامحدود ہتھیاروں کا ذخیرہ موجود ہے، جبکہ امریکی سینٹرل کمانڈ نے بتایا کہ ایران میں 5 ہزار اہداف کو نشانہ بنایا گیا اور 50 ایرانی جنگی جہازوں کو نقصان پہنچایا گیا۔