اسلام آباد: (رائیٹ ناوٴ نیوز) سابق سفیر ڈاکٹر ملیحہ لودھی نے کہا ہے کہ ایران، اسرائیل اور امریکہ کے درمیان جاری جنگ میں کوئی بھی ملک سنجیدگی سے جنگ رکوانے یا ثالثی کرنے کی کوشش نہیں کر رہا ہے کیونکہ کسی کو صدر ٹرمپ پر اعتماد نہیں ہے۔ جیو نیوز کے پروگرام کیپٹل ٹاک میں بات کرتے ہوئے انہوں نے کہا کہ صدر ٹرمپ مذاکرات کے دوران ہی جنگ شروع کر دیتے ہیں۔

پروگرام میں گفتگو کرتے ہوئے ائیرمارشل (ر) ارشد ملک نے کہا کہ ایران کی نئی لیڈرشپ کو ایرانی عوام کی حمایت حاصل ہوگی اور ایران میں حکومت کی تبدیلی کے امکانات ختم ہوچکے ہیں۔

وائس ایڈمرل ریٹائرڈ محمد سلیم نے کہا کہ اگر ایران اور خلیجی ممالک ایک دوسرے پر حملے کریں گے تو وہ اسرائیل کے کھیل کا حصہ بن جائیں گے۔