کراچی: (رائیٹ ناوٴ نیوز) پاکستان میں پیٹرولیم مصنوعات کی قلت کے بعد پورٹ قاسم پر پیٹرول سے بھرے جہازوں کی آمد کا آغاز ہوا ہے، جس سے بحران کے خاتمے کی امید پیدا ہوئی ہے۔

ایم ٹی ٹورم دامینی اور ایم ٹی ناوے ایٹروپوس جہازوں کے ساتھ 50 ہزار میٹرک ٹن پیٹرول پورٹ قاسم پہنچ چکا ہے۔ ایم ٹی اسپروس 2 آج 55 ہزار ٹن پیٹرول کے ساتھ جبکہ ایم ٹی سی کلپر کل 34 ہزار ٹن پیٹرول کے ساتھ پہنچنے والا ہے۔

ترجمان پورٹ قاسم نے بتایا کہ فجیرہ سے آنے والا جہاز پہنچ چکا ہے اور مزید جہازوں کی آمد متوقع ہے۔ وزیرِ پیٹرولیم علی پرویز ملک نے کہا کہ ان جہازوں کی آمد سے سپلائی چین میں بہتری کی امید ہے۔