کولمبو: (رائیٹ ناوٴ نیوز) آئی سی سی مینز ٹی ٹوئنٹی ورلڈکپ 2026 کے سیمی فائنلز کے مقامات میں تبدیلی کی گئی ہے۔ آئی سی سی نے وضاحت کی ہے کہ اگر سری لنکا سیمی فائنل تک پہنچتا ہے تو وہ مخصوص حالات میں اپنا میچ ہوم گراؤنڈ پر کھیل سکتا ہے۔

اگر پاکستان سیمی فائنل میں پہنچتا ہے تو وہ 4 مارچ کو کولمبو کے آر پریماداسا اسٹیڈیم میں کھیلے گا۔ تاہم، اگر سری لنکا سیمی فائنل میں پہنچتا ہے اور بھارت کے علاوہ کسی اور ٹیم سے ٹکراتا ہے تو میچ بھی کولمبو میں ہوگا۔

اگر پاکستان اور سری لنکا دونوں سیمی فائنل میں جگہ نہ بنا سکیں تو سیمی فائنل 1 کولکتہ اور دوسرا سیمی فائنل ممبئی میں کھیلا جائے گا۔ بھارت اگر سیمی فائنل تک پہنچتا ہے تو وہ ممبئی میں کھیلے گا، لیکن اگر اس کا مقابلہ پاکستان سے ہوتا ہے تو میچ کولمبو منتقل ہوگا۔