ٹی ٹوئنٹی ورلڈ کپ میں راشد لطیف کا دعویٰ ہے کہ اگر پاکستان کا سیمی فائنل بھارت سے ہوا تو کامیابی پاکستان کی ہوگی۔
کراچی: (رائیٹ ناوٴ نیوز) ٹی ٹوئنٹی ورلڈ کپ کے سپر ایٹ مرحلے سے قبل سیمی فائنل کے ممکنہ مقابلے کی بحث میں شدت آ گئی ہے۔ سابق کپتان راشد لطیف نے کہا ہے کہ اگر سیمی فائنل میں پاکستان کا مقابلہ بھارت سے ہوا تو کامیابی پاکستان کے حصے میں آئے گی۔
راشد لطیف نے اپنے تجزیے میں کہا کہ قومی ٹیم اس وقت متوازن نظر آ رہی ہے اور بھارت کے خلاف سیمی فائنل جیتنے کی صلاحیت رکھتی ہے۔ انہوں نے مزید کہا کہ موجودہ ٹیم میں مقابلہ جیتنے کی صلاحیت موجود ہے۔
معروف اسپورٹس تجزیہ کار نعمان نیاز نے راشد لطیف کے بیان پر تبصرہ کرتے ہوئے کہا کہ بھارت بھی مضبوط ٹیم ہے اور کسی بڑے میچ کو آسان سمجھنا درست نہیں۔
واضح رہے کہ سپر ایٹ مرحلے کے بعد ہی سیمی فائنل لائن اپ واضح ہوگی، تاہم ماہرین کی پیشگوئیوں نے ممکنہ پاک بھارت مقابلے کو موضوعِ گفتگو بنا دیا ہے۔
