کراچی: (رائیٹ ناوٴ نیوز) عارف حبیب گروپ نے پی آئی اے میں حکومت کے باقی 25 فیصد حصص خریدنے کا اعلان کیا ہے، جس کے بعد قومی فضائی کمپنی کا مکمل کنٹرول ان کے پاس آ جائے گا۔ عارف حبیب لمیٹڈ کے چیف ایگزیکٹو شاہد علی حبیب نے بتایا کہ یہ فیصلہ اپریل میں لیا جائے گا اور بارہ ماہ میں ادائیگی مکمل کی جائے گی۔

عارف حبیب کنسورشیم نے پہلے ہی 75 فیصد حصص 135 ارب روپے میں خریدے تھے۔ پی آئی اے کی نجکاری کا مقصد خسارے میں جانے والی فضائی کمپنی کو منافع بخش بنانا ہے۔

کامیاب کنسورشیم میں فاطمہ فرٹیلائزر، فوجی فرٹیلائزر کمپنی، لیک سٹی، اور سٹی اسکول شامل ہیں۔ پی آئی اے کی بہتری کے منصوبے میں سروسز کی بہتری، روٹس کی فریکوئنسی میں اضافہ اور سیفٹی شامل ہے۔