لاہور: (رائیٹ ناوٴ نیوز) انسداد دہشت گردی عدالت میں پیشی کے موقع پر تحریک انصاف کے رہنما شاہ محمود قریشی نے صحافیوں سے گفتگو کرتے ہوئے بانی پی ٹی آئی کی آنکھ کی صحت پر تشویش کا اظہار کیا۔ ان کا کہنا تھا کہ قیدیوں کے بھی حقوق ہوتے ہیں جو انہیں ملنے چاہئیں اور جیل انتظامیہ کی ذمہ داری ہے کہ قیدیوں کو مناسب طبی سہولت فراہم کی جائے۔

شاہ محمود قریشی نے مزید کہا کہ ان کا علاج پی کے ایل آئی میں جاری ہے اور اگر سرجری سے بچاؤ ممکن نہ ہوا تو ایک اور آپریشن کرانا پڑے گا۔ انہوں نے بتایا کہ پولیس سکیورٹی کی عدم موجودگی کی وجہ سے انہیں طبی معائنہ کے لیے اسپتال نہیں لے جایا جا رہا۔

انہوں نے اس صورتحال کا ذمہ دار حکومت پنجاب کو قرار دیا۔ حالیہ دنوں میں مختلف سیاسی رہنماؤں کی صحت اور جیل میں طبی سہولتوں کے حوالے سے بیانات سامنے آئے ہیں۔