پشاور: (رائیٹ ناوٴ نیوز) صوبائی دارالحکومت پشاور میں آٹے کی قیمتوں میں اضافہ ہوگیا ہے۔ مکس آٹے کا 20 کلو تھیلا 2800 روپے سے بڑھ کر 2900 روپے میں فروخت ہورہا ہے۔ رمضان کی آمد کے باعث آٹے کی مانگ میں اضافہ ہوا ہے جبکہ سپلائی کم ہے۔

آٹا ڈیلرز ایسوسی ایشن کے مطابق فائن آٹے کا 20 کلو تھیلا 2900 روپے سے بڑھ کر 3000 روپے میں فروخت ہورہا ہے۔ چینی، گھی، کوکنگ آئل، آٹا، ٹماٹر اور پیاز کی قیمتوں میں بھی اضافہ دیکھا گیا ہے۔

دوسری جانب، ایس اینڈ پی گلوبل مارکیٹ انٹیلی جنس نے پیشگوئی کی ہے کہ سال 2026 میں پاکستان میں مہنگائی کی شرح 5.1 فیصد رہے گی اور 2027 میں یہ بڑھ کر 5.6 فیصد تک جاسکتی ہے۔ کرنٹ اکاؤنٹ خسارہ 0.5 فیصد سے بڑھ کر 1.3 فیصد تک جاسکتا ہے جبکہ مالی سال 2026 میں پاکستان کی حقیقی جی ڈی پی نمو 3.5 فیصد رہے گی۔

بلوچستان میں بھی آٹے کا بحران شدت اختیار کر گیا ہے جہاں 20 کلو تھیلے کی قیمت 2300 روپے ہوچکی ہے۔ مشیر وزارت خزانہ خرم شہزاد نے کہا ہے کہ ایس اینڈ پی اور اسٹیٹ بینک کی پیشگوئیوں میں ہم آہنگی ہے اور اسٹیٹ بینک نے مہنگائی 5 سے 7 فیصد رہنے کی توقع ظاہر کی ہے۔