کولمبو: (رائیٹ ناوٴ نیوز) آئی سی سی مینز ٹی ٹوئنٹی ورلڈکپ 2026 میں پاکستان اور بھارت کے درمیان اہم مقابلہ بارش کی وجہ سے متاثر ہونے کا امکان ہے۔ یہ میچ 15 فروری کو کولمبو میں شیڈول ہے۔

محکمہ موسمیات کے مطابق میچ کے دن کولمبو میں بارش اور گرج چمک کے ساتھ طوفان کا 50 فیصد امکان ہے، جس سے میچ کے انعقاد پر سوالیہ نشان لگ گیا ہے۔

اگر میچ بارش کی نذر ہو جاتا ہے تو دونوں ٹیموں کو ایک، ایک پوائنٹ دیا جائے گا۔ شائقین دعا کر رہے ہیں کہ یہ مقابلہ بارش سے محفوظ رہے۔

پاکستان نے ٹی ٹوئنٹی ورلڈکپ میں اپنے دونوں میچز جیت کر گروپ اے میں 4 پوائنٹس کے ساتھ پہلی پوزیشن حاصل کی ہے۔

سری لنکن صدر نے وزیراعظم شہباز شریف سے درخواست کی ہے کہ پاکستان کرکٹ ٹیم کو سری لنکا میں پاک بھارت میچ کھیلنا چاہیے۔