گجرات: (رائیٹ ناوٴ نیوز) گجرات کی تحصیل سرائے عالمگیر میں ایک تین سالہ بچی کھیلتے ہوئے کھلے گٹر میں گر گئی۔ اہل محلہ نے فوری کارروائی کرتے ہوئے بچی کو گٹر سے نکال کر ہسپتال پہنچایا۔

یہ واقعہ اس وقت پیش آیا جب بچی زیر تعمیر مکان کے کھلے گٹر کے قریب کھیل رہی تھی۔ اہل محلہ کا کہنا ہے کہ بچی کی حالت اب خطرے سے باہر ہے۔

اہل علاقہ نے مقامی انتظامیہ سے مطالبہ کیا ہے کہ عوامی مقامات پر کھلے گٹروں کو فوری طور پر بند کیا جائے تاکہ آئندہ ایسے حادثات سے بچا جا سکے۔