بانڈہ، اترپردیش: (رائیٹ ناوٴ نیوز) بھارت کے ضلع بانڈہ کی ایک خاتون، موہنی، سوشل میڈیا کے لیے ویڈیو بناتے ہوئے جان سے ہاتھ دھو بیٹھی۔

موہنی نے ویڈیو ریکارڈنگ کے دوران پھانسی کا منظر دوبارہ بنانے کی کوشش کی، اس دوران وہ اسٹول پر کھڑی تھی اور گلے میں پھندا باندھا ہوا تھا۔ توازن بگڑنے پر پھندا تنگ ہوگیا اور وہ جانبر نہ ہوسکی۔

یہ واقعہ اس وقت سامنے آیا جب موہنی کی چار سالہ بیٹی نے اپنی ماں کو لٹکتے ہوئے دیکھا، بچی کی چیخ و پکار پر پڑوسی بھی جمع ہوگئے۔

پولیس نے موقع پر پہنچ کر لاش کو تحویل میں لیا اور پوسٹ مارٹم کے لیے بھیج دیا۔