ریاض: (رائیٹ ناوٴ نیوز) عالمی فٹ بال اسٹار کرسٹیانو رونالڈو سعودی پرو لیگ میں النصر کی ٹیم کے لیے مسلسل دوسرے میچ میں بھی شامل نہیں ہوئے۔ رونالڈو کے النصر کے ساتھ انتظامی اختلافات کی خبریں ہیں جبکہ وہ کلب کی ٹرانسفر پالیسی سے بھی ناخوش ہیں۔

رونالڈو نے النصر کی جانب سے الاتحاد کے خلاف جمعہ کو ہونے والے میچ میں شرکت نہیں کی اور نہ ہی پیر کو الریاض کے خلاف میچ میں شامل تھے۔

رونالڈو کی غیر موجودگی کی وجہ سعودی پبلک انویسٹمنٹ فنڈ کی ٹرانسفر پالیسی بتائی جا رہی ہے جس نے الہلال جیسے حریف کلب کے لیے معروف کھلاڑی شامل کیے ہیں۔

سعودی پرو لیگ نے بیان میں کہا ہے کہ کوئی بھی کھلاڑی لیگ سے بڑا نہیں اور ہر کلب اپنے فیصلے خود کرتا ہے۔

رونالڈو نے حال ہی میں النصر کے ساتھ اپنے معاہدے کو دو سال کے لیے توسیع دی ہے، لیکن ان کے مستقبل پر سوالات اُٹھ رہے ہیں۔