اسلام آباد میں امام بارگاہ حملے کے بعد طارق فضل چودھری نے دہشت گردی کی شدید مذمت کی ہے۔ حملے میں 31 افراد جاں بحق ہوئے ہیں اور ہسپتالوں میں ہائی الرٹ جاری ہے۔
اسلام آباد: (رائیٹ ناوٴ نیوز) وفاقی وزیر پارلیمانی امور طارق فضل چودھری نے امام بارگاہ پر حملے کو انتہائی بزدلانہ قرار دیا ہے۔ انہوں نے پمز ہسپتال میں زخمیوں کی عیادت کے بعد میڈیا سے گفتگو کرتے ہوئے کہا کہ یہ دھماکہ افسوسناک ہے اور دہشت گرد اسلام اور امن کے دشمن ہیں۔
طارق فضل چودھری نے کہا کہ معصوم شہریوں پر حملہ انتہائی بزدلانہ ہے اور ہم غمزدہ خاندانوں کے دکھ میں برابر کے شریک ہیں۔
ترجمان ضلعی انتظامیہ نے بتایا کہ دھماکے کے نتیجے میں 31 افراد شہید ہوئے ہیں جبکہ مختلف ہسپتالوں میں زخمیوں کا علاج جاری ہے۔ پمز، سی ڈی اے اور پولی کلینک ہسپتال میں ہائی الرٹ ہے۔
