کولمبو: (رائیٹ ناوٴ نیوز) پاکستان ٹی ٹوئنٹی ٹیم کے کپتان سلمان علی آغا نے کہا ہے کہ عثمان طارق کے بولنگ ایکشن میں کوئی مسئلہ نہیں رہا، اور اب یہ بحث ختم ہونی چاہیے۔

کولمبو میں پریس کانفرنس کے دوران سلمان علی آغا نے کہا کہ عثمان طارق دو بار کلیئر ہو چکے ہیں اور وہ ہمارے لیے ایک اہم کھلاڑی ہیں۔

انہوں نے مزید کہا کہ بابر اعظم کی موجودگی میں ہم کنڈیشنز کے مطابق کھیلنے کی منصوبہ بندی کر رہے ہیں، اور ٹیم کی تیاری بہت اچھی ہے۔

سلمان علی آغا نے کہا کہ ہمیں پہلے میچز کا دباؤ نہیں ہے، اور ہم اپنے بہترین کھیل کا مظاہرہ کریں گے۔

قومی ٹیم کے کپتان نے کہا کہ ہم نے گزشتہ چھ ماہ میں اچھی کارکردگی دکھائی ہے اور ہمارا سارا فوکس کھیل پر ہے۔