کراچی: (رائیٹ ناوٴ نیوز) پاکستانی اداکارہ ہانیہ عامر نے مشی خان کے ایلومیناٹی الزامات پر بھرپور رد عمل دیتے ہوئے اپنی خاموشی توڑ دی۔ ہانیہ عامر نے انسٹاگرام پر اپنی اسٹوریز میں الزامات کی تردید کی اور کہا کہ وہ ایک محنتی خاتون ہیں اور ان کے پاس ان الزامات کا سامنا کرنے کا وقت نہیں۔

ہانیہ عامر نے مزید کہا کہ ان کے خاندان کے کچھ افراد پہلے ہی ان کے خلاف ہیں اور ان کے گال کے گڑھے جعلی نہیں ہیں۔ ہانیہ کے مداح انسٹاگرام پر ان کا دفاع کر رہے ہیں اور ان الزامات کو بے بنیاد قرار دے رہے ہیں۔

مشی خان نے ہانیہ عامر کی تصاویر پر ایلومیناٹی کے ہاتھ کے اشارے کا حوالہ دیتے ہوئے سوال اٹھایا تھا۔ ہانیہ عامر نے ان الزامات کو رد کرتے ہوئے کہا کہ وہ ایلومیناٹی کا حصہ نہیں ہیں۔