کیلیفورنیا: (رائیٹ ناوٴ نیوز) گوگل کے آرٹی فیشل انٹیلی جنس چیٹ بوٹ جیمنائی کے ماہانہ صارفین کی تعداد 75 کروڑ سے تجاوز کر گئی ہے۔ یہ اعداد و شمار گوگل کی سہ ماہی آمدنی رپورٹ میں سامنے آئے ہیں، جو صارفین کی تعداد میں تیزی سے اضافے کی نشاندہی کرتے ہیں۔

2025 کی تیسری سہ ماہی میں جیمنائی کے صارفین کی تعداد 65 کروڑ تھی، جس کے بعد تین ماہ کے عرصے میں یہ تعداد نمایاں طور پر بڑھی ہے۔ اس کے مقابلے میں میٹا اے آئی کے صارفین کی تعداد 50 کروڑ کے قریب ہے، جبکہ جیمنائی کے سب سے بڑے حریف چیٹ جی پی ٹی کے صارفین کی تعداد 81 کروڑ تھی۔

گوگل نے حال ہی میں جیمنائی 3 کو متعارف کرایا ہے، جو کمپنی کا سب سے جدید اے آئی ماڈل ہے اور گہرائی میں جاکر کام کرنے کی صلاحیت رکھتا ہے۔ چیف بزنس آفیسر فلپ شنڈلر نے کہا ہے کہ ہم نے مفت اور سبسکرائب شدہ دونوں صارفین پر توجہ مرکوز کی ہے اور بہترین نتائج دیکھ رہے ہیں۔