الجزائر: (رائیٹ ناوٴ نیوز)الجزائر کی اولمپک گولڈ میڈلسٹ باکسر ایمان خلیف نے کہا ہے کہ وہ 2028 اولمپکس میں شرکت کے لیے انٹرنیشنل اولمپک کمیٹی کے تحت جینیاتی ٹیسٹ کرانے پر تیار ہیں۔

ایمان خلیف نے 2024 کے پیرس اولمپکس میں خواتین ویلٹر ویٹ باکسنگ میں سونے کا تمغہ جیتا تھا۔ تاہم، ان کی اہلیت پر سوالات اٹھے تھے کیونکہ انٹرنیشنل باکسنگ ایسوسی ایشن نے 2023 کی ورلڈ چیمپئن شپ میں جنس سے متعلق کروموسوم ٹیسٹ کی بنیاد پر انہیں نااہل قرار دیا تھا۔

ورلڈ باکسنگ نے اعلان کیا ہے کہ 2028 لاس اینجلس اولمپکس میں باکسنگ مقابلوں کے دوران جنس ٹیسٹنگ لازمی ہوگی۔ ایمان خلیف نے اس فیصلے کے خلاف کورٹ آف آربیٹریشن فار اسپورٹس میں اپیل دائر کر رکھی ہے۔

ایمان خلیف نے زور دیا ہے کہ ان کے معاملے کو سیاسی مقاصد کے لیے استعمال نہ کیا جائے اور وہ صرف آئی او سی کے زیرِ انتظام ٹیسٹ کرائیں گی۔ انہوں نے اپنے عورت ہونے پر اصرار کیا اور انصاف کی امید ظاہر کی۔