لاہور: (رائیٹ ناوٴ نیوز) وزیراعلیٰ پنجاب مریم نواز شریف نے یومِ یکجہتی کشمیر پر اپنے پیغام میں کہا ہے کہ کشمیری عوام جلد آزادی کا سورج دیکھیں گے۔ انہوں نے کہا کہ پاکستانی عوام کے دل میں کشمیر کی محبت خون میں دوڑتی ہے اور کشمیری شہداء کو خراجِ عقیدت پیش کیا۔

مریم نواز نے بھارتی مظالم کے خلاف کشمیریوں کے عزم کو سلام پیش کیا اور کہا کہ بھارتی بربریت نے کشمیر کو جیل بنا دیا ہے۔ انہوں نے اقوام متحدہ اور عالمی اداروں سے مطالبہ کیا کہ وہ کشمیر میں انسانی حقوق کی پامالی کے خلاف قانونی کردار ادا کریں۔

وزیراعلیٰ پنجاب نے کہا کہ پاکستان کشمیریوں کی سفارتی، سیاسی اور اخلاقی حمایت جاری رکھے گا اور ہر عالمی فورم پر ان کے حق میں آواز بلند کرے گا۔