اسلام آباد: (رائیٹ ناوٴ نیوز) محکمہ موسمیات کے مطابق پاکستان میں رمضان المبارک کا پہلا روزہ 19 فروری 2026 کو متوقع ہے۔ فلکیاتی حسابات کے مطابق چاند 17 فروری کو شام 5 بج کر 1 منٹ پر پیدا ہوگا، اور 18 فروری کو اس کی رویت کا قوی امکان ہے۔

محکمہ موسمیات نے بتایا کہ 18 فروری کو کراچی میں چاند کی عمر تقریباً 26 گھنٹے ہوگی، جبکہ سورج 6 بج کر 25 منٹ پر اور چاند 7 بج کر 24 منٹ پر غروب ہوگا، جو رویت کے لیے موزوں وقت ہے۔

ملک کے دیگر حصوں میں بھی چاند نظر آنے کے امکانات ہیں، لیکن حتمی اعلان مرکزی رویت ہلال کمیٹی کے اجلاس کے بعد ہی کیا جائے گا۔