اسلام آباد: (رائیٹ ناوٴ نیوز) پی آئی اے نے پیرس سے پاکستان آنے والے مسافروں کے لیے کرایوں میں 10 فیصد رعایت کا اعلان کیا ہے۔ اس کا مقصد سمندر پار پاکستانیوں کے لیے سفر کو مزید آسان اور سستا بنانا ہے۔

مسافر 10 فروری 2026 تک اس رعایت کے تحت اپنی بکنگ کروا سکتے ہیں۔ یہ رعایت یکم فروری سے 10 مارچ 2026 اور یکم مئی سے 15 مئی 2026 کے دوران سفر کرنے والوں کے لیے دستیاب ہوگی۔

پی آئی اے کے ترجمان کے مطابق، مسافر رعایت حاصل کرنے کے لیے پی آئی اے کے سرکاری بکنگ دفاتر، ویب سائٹ، موبائل ایپ یا مستند ٹریول ایجنٹس سے رابطہ کر سکتے ہیں۔