فن لینڈ: (رائیٹ ناوٴ نیوز) کروڑوں افراد ہارر فلمیں دیکھنے کے دوران خوفزدہ ہونے کے باوجود ان سے لطف اندوز ہوتے ہیں، اور اس کی وجہ ان کا اپنا دماغ ہے۔

فن لینڈ کی ٹرکو یونیورسٹی کی تحقیق میں معلوم ہوا کہ ہارر فلمیں دیکھنے کے دوران دماغ پر ایسے اثرات مرتب ہوتے ہیں جو خوف اور جوش و خروش کو باہم ملا دیتے ہیں۔ تحقیق میں رضا کاروں کو سو بہترین ہارر فلمیں دکھائی گئیں اور ان کی دماغی سرگرمیوں کا جائزہ لیا گیا۔

نتائج سے ظاہر ہوا کہ دماغ خود کو مختلف حالات کے مطابق ردعمل کے لیے تیار کرتا ہے، اور ہارر فلمیں دماغ کو احمق بناکر جوش و خروش میں اضافہ کرتی ہیں۔

تحقیق میں پایا گیا کہ 72 فیصد افراد نے ہر چھ ماہ میں ایک ہارر فلم دیکھی، جبکہ خوف کے باوجود ان کی بنیادی وجہ اندرونی جوش اور تجسس تھا۔ ہارر فلمیں سماجی میل جول بڑھانے میں بھی مددگار ثابت ہوتی ہیں، کیونکہ لوگ انہیں دوسروں کے ساتھ دیکھنا پسند کرتے ہیں۔